Երեք քաղաքական ուժերի՝ փետրվարի 20-ին հայտարարված հանրահավաքի չարտոնված լինելու պատրվակով իշխանությունը հետապնդումներ սկսեց Համաժողովրդական շարժման ակտիվիստների, մասնավորապես, ԲՀԿ անդամների նկատմամբ: Ստեղծված իրավիճակը հանգեցրեց քաղաքական ուժերի կողմից հանրահավաքը չեղյալ հայտարարելուն:
«Ազատամարտիկների դաշինքը», համամիտ լինելով իր քաղաքական համախոհների որոշմանը, հորդորում է Դաշինքի անդամներին ու համակիրներին՝ ձեռնպահ մնալ փետրվարի 20-ին Ազատության հրապարակում նախապես հայտարարված հանրահավաքին մասնակցությունից:
«Ազատամարտիկների դաշինքը» բոլորին հրավիրում է Ազատության հրապարակ՝ մարտի 1-ին, ժամը 15:00-ին տեղի ունենալիք արտոնված համաժողովրդական հանրահավաքին, որի ընթացքում կքննարկվեն Հայաստանի ներքաղաքական իրավիճակը եւ ընդդիմադիր ուժերի հետագա քայլերը:
«Ազատամարտիկների դաշինքը» եւս մեկ անգամ հայտարարում է, որ հավատարիմ է մնալու իր որդեգրած առաքելությանը. մշտապես լինել սեփական արժանապատվության համար պայքարող մեր հայրենակիցների կողքին:
Կարդացեք նաև
ազատամարտիկները որպես գործիք չարաչար շահագործվում են բոլոր քաղաքական ուժերի կողմէ անխտիր, իշխանություն թէ ընդդիմություն
իսկ նկատի ունենալով որ մի անձ,
այնքան որ լաւ ու ազդու մարտիկ լինի,
նոյնչափ ել ձախող քաղաքագետ է լինելու,
այս դրությունը խիստ ցաւալի է
Բարին Աստուծմէ