«Բանկային, վաշխառուական այս համակարգի վերջը պետք է տրվի»,-այսօր «Տեսակետ» մամուլի ակումբում լրագրողների հետ հանդիպմանը հայտարարեց Շուշիի առանձնակի գումարտակի հրամանատար, «100-ամյակն առանց ռեժիմի» շարժման առաջնորդ Ժիրայր Սեֆիլյանը: Պարոն Սեֆիլյանը կոչ է անում օրինակ` չմարել վարկերը ու պատճառաբանում. «Բանկային, վաշխառուական այս համակարգի վերջը պետք է տրվի, ամեն ինչ ունի իր սկիզբն ու վերջը: Այդ ամբողջ համակարգը ծառայում է մի քանի անհատի, որոնք կեղեքելով ժողովրդին՝ տիրապետում են մեծ ունեցվածքների: Նրանք պետք է պատասխան տան: Մենք չենք պատկերացնում, որ հարուստներ պետք չեն, պարզապես մարդիկ, ովքեր ունեցվածք են դիզել, պետք է ապացուցեն, որ դրանք արդար ճանապարհով են»:
Ի պատասխան այս կոչին ուղղված քննադատություններին, պարոն Սեֆիլյանն ասաց. «Սա ընդամենը կոչ է իմ կողմից. բոլոր նրանք, ովքեր կմիանան այդ կոչին, կամավոր հիմունքներով են դա անելու: Մենք հասկանում ենք, թե երբ ենք անում այդ կոչը, որպեսզի մեր քաղաքացիները հնարավորինս վտանգից հեռու լինեն: Այն ավելի շատ մոբիլիզացիոն բնույթ ունի, մարդիկ պետք է գիտակցեն, որ իրենք ևս պետք է քայլ անեն»:
Տաթև ՀԱՐՈՒԹՅՈՒՆՅԱՆ
“… պարզապես մարդիկ, ովքեր ունեցվածք են դիզել, պետք է ապացուցեն, որ դրանք արդար ճանապարհով են”
Ոչ, այդպես չի: գոյություն ունի անմեղության կանխավարկած: Դիմեք իրավապահ մարմիններին եթե ունեք բավարար հիմքեր, և նոր իրենք թող հետաքննություն անցկացնեն պարզեն: Դուք պետք է ապացուցեք, որ իրենք հանցանք են գործել: Դա մեկ:
Երկրորդ: Կոմունիստների առաջարկած ատելությունը հարուստների նկատամամբ, երբ մեղադրեցին, կոտորեցին, ու ռուսների ասած “взять и поделить” մի անգամ փորձարկվել է ու ոչ մի լավ բանի չի բերել:
վարկերը պատկան ժամկետին չվճարելու պարագային, արդյոք տոկոսներ եւ տուգանքներ չե՞ն ավելանար, պարտքի վրայ… թե որ Սեֆիլյանի ծրագիրը չիրականա, ան փոխհատուցում վճարելո՞ւ է այդ տոկոսների եւ տուգանքների համար՝ այն քաղաքացիներին որոնք հետեւած լինեն իր ցուցմունքներին…