Պրոֆեսիոնալ բռնցքամարտի աշխարհի բացարձակ չեմպիոն Վախթանգ Դարչինյանը հոր՝ Ռուբենի, հետ միասին Ավստրալիայից ժամանել է Երեւան՝ հարգելու Հայոց ցեղասպանության 1,5 միլիոն զոհերի հիշատակը: Այսօր անվանի բռնցքամարտիկը բարձրանալու է Եղեռնի հուշահամալիր:
Aravot.am-ի հետ զրույցում Վիկը նշեց, որ չնայած հունիսի 6-ին ԱՄՆ-ում չեմպիոնական գոտու մենամարտ ունի մեքսիկացի բռնցքամարտիկի հետ, չէր կարող այս օրը Երեւանում չլինել: «Ոչ մի հայ, անկախ նրանից, թե աշխարհի որ ծայրում է ապրում, այսօր հիշում է մեր նահատակներին, հարգում 1,5 միլիոն մեր անմեղ զոհերի հիշատակը: Ես չէի կարող այսօր այստեղ չլինել»:
Աշոտ ՀԱԿՈԲՅԱՆ
Լուսանկարում՝ Վիկ Դարչինյանն իր կնքահոր՝ Մուրադ Սարգսյանի հետ
Կարդացեք նաև
Վախթանգ Դարչինյանի հետ բացառիկ հարցազրույցը՝ «Առավոտ» օրաթերթի առաջիկա համարներից մեկում
