Aravot.am-ի զրուցակիցը գտնում է, որ Հայաստանին միջազգայնորեն տեղ է հատկացվել, առհասարակ, միջազգայնացնելու ցեղասպանությունը, տրվել է «ինտելեկտուալ եւ քաղաքական, իրավական սեգմենտ»:
Հայաստանում է գտնվում արվեստաբան, էսսեիստ, վերլուծաբան Ռուբեն Անգալդադյանը:
Նա անդրադարձավ թե Վատիկանում տեղի ունեցած հիշատակի պատարագին, թե Ցեղասպանությանը նվիրված երեւանյան երկօրյա գիտաժողովին:
«Նախ, ասեմ, որ Վատիկանի արարողությունը երկու կարեւոր հարց լուծեց. Նարեկացին հռչակվեց Տիեզերական Սուրբ, ուսուցիչ ոչ միայն կաթոլիկ աշխարհի համար:
Կարդացեք նաև
Սրանով Հռոմի պապը հավասարեցրեց կաթոլիկ աշխարհն ու Հայաստան աշխարհը: Հավասարության նշան դրեց, ասելով՝ Ձեր մշակույթը նույնպես բարձր է»:
Ըստ Ռուբեն Անգալադյանի, հայկական մշակույթը համաշխարհային մշակույթի պատմության մեջ «կարգավիճակ» ստացավ՝ հոգեւոր ժողովրդի մշակույթի կարգավիճակ:
«Այն, ինչ կատարվեց Վատիկանում, մեզ պարտադրում է, որ մենք այդ որակից չիջնենք, երբ լուծում ենք ցեղասպանության եւ կամ այլ քաղաքական մեծ իրադարձություններին առնչվող հարցեր»,-ասաց մեր զրուցակիցը:
Ինչ վերաբերվում է Ցեղասպանությանը նվիրված երեւանյան գիտաժողովին, որը պարոն Անգալադյանը համարում է «Գլոբալիզացիայի ժողով», նա ասաց. «Հնչեց՝ Դուք Հայաստան աշխարհ, դուք՝ Հայկական պետություն:
Ժողովը խնդրեց, որ Հայաստանը միջազգային կյանքում զբաղվի կարեւոր հարցով՝ Ցեղասպանության. առհասարակ, ոչ միայն Հայոց Ցեղասպանության, այլ աշխարհում տեղի ունեցած ցեղասպանությունների, պատրաստի իրավական, միջազգային փաստաթղթեր»:
Ըստ նրա, այն ինչ կատարվում է այս երկու օրը Հայաստանում, նուրբ եւ զուսպ է արվում:
