Ռուսական «Վիմպելկոմ» ընկերությունը (ապրանքային նշանը՝ «Բիլայն») պետք է Լեռնային Ղարաբաղում դադարեցնի իր գործունեությունը: Այս մասին, ըստ Telecom.cnews.ru-ի, հայտարարել է Ադրբեջանի ԱԳՆ մամուլի քարտուղար Հիմքեթ Հաջիեւը:
««Վիպելկոմի» գործունեությունը Լեռնային Ղարաբաղի չճանաչված հանրապետությունում խախտում է Ադրբեջանի ինքնիշխանությունը եւ տարածքային ամբողջականությունը»,- մասնավորապես ասել է նա:
Ադրբեջանի իշխանությունները, ըստ Հաջիեւի, բազմաթիվ անգամներ «Վիմպելկոմի» ուշադրությունն են հրավիրել այս հարցի վրա: Այժմ նրանք պատրաստվում են բողոքել Հեռահաղորդակցության միջազգային միություն եւ այլ միջազգային կազմակերպություններ:
Իրենց կողմից Ադրբեջանի խոշորագույն բջջային օպերատորները՝ «Azercell»-ը եւ «Bakcell»-ը «Վիմպելկոմին» բողոքի նամակն են ուղարկել եւ խոստացել են ուրիշ քայլեր էլ ձեռնարկել:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
