Լրատվամիջոցների տեղեկությունների համաձայն, Սյունիքի մարզպետ Սուրիկ Խաչատրյանի որդին հերթական աղմկոտ պատմության մեջ է հայտնվել։ Այս անգամ նա իր 40 ընկերների հետ ծեծի է ենթարկել երկու եղբայրների, ովքեր Ավետիք Բուդաղյանի ազգականներն են։ Ծեծվածներից մեկը, ում ոտքը վնասվել է, ներկայումս գտնվում է հիվանդանոցում։
«ՉԻ» – Կարծում ենք՝ ժամանակն է, որ Սուրիկ Խաչատրյանի որդու քաջագործություններով զբաղվի ՀՀ միգրացիոն ծառայությունը, որովհետեւ եթե նա շարունակի նույն տեմպերով «ինքնապաշտպանվել»՝ մոտ ապագայում Սյունիքի մարզն ամբողջությամբ կդատարկվի, եւ դա կտրուկ կվատացնի ՀՀ միգրացիոն հաշվեկշիռը։
Չնայած՝ Սուրիկ Խաչատրյանն ինքը հերքում է որդու մասնակցությունն այդ ծեծկռտուքին։ Իսկ դա նշանակում է, որ ամենայն հավանականությամբ՝ ադրբեջանական դիվերսիոն ջոկատ է ներթափանցել Սյունիքի մարզ, եւ բոլորը, Սուրիկ Խաչատրյանի որդու դիմակները հագած, ահաբեկում են խաղաղ բնակչությանը:
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
