Այսօր Շուշիի ազատագրման օրը Եռաբլուր էին այցելել մի շարք բարձրաստիճան պաշտոնյաներ եւ ԵԿՄ անդամները:
Lրագրողները գեներալ Սեյրան Սարոյանից հետաքրքրվեցին Արցախյան հերոսամարտի մասնակից, հրամանատար Ժիրայր Սեֆիլյանի ձերբակալությունից: Հարցին՝ ըստ Ձեզ ո՞վ է Ժիրայր Սեֆիլյանը՝ նա պատասխանեց. «Ազատամարտիկ ա, էլի, տղա ա իրա համար: Ըտենց լիքը ունենք էլի կռված տղերք, ի՞նչ ա եղել»: Դիտարկմանը, որ նա հրամանատար է՝ Սեյրան Սարոյանը պատասխանեց. «Շատ ունենք տենց հրամանատարներ, ի՞նչ կա ըտեղ»:
Հարցին՝ ինչպե՞ս եք վերաբերվում, երբ Ձեր զինակցի նկատմամբ նման ոտնձգություններ են լինում՝ ձերբակալություններ նա պատասխանեց. «Թող իրան խելոք պահեր՝ ոչ մի բան էլ չէր լինի»:
Թե ինչու բռնեցին Ժիրայր Սեֆիլյանին եւ հետո բաց թողեցին՝ Սեյրան Սարոյանը այսպես բացատրեց. «Կասկածում էին ինչ-որ բաների մեջ, բռնեցին, տեսան, որ տենց չի, բաց թողեցին, վա՞տ է»:
Կարդացեք նաև
Դիտարկմանը, որ բոլորի տանն էլ կան շամփուր, սոդա, Ձեր տանը չկա՞ն՝ Սեյրան Սարոյանը ծիծաղեց. «Ի՞նչ շամփուր են գտել, աղչի: Խորովածի՞: Ուրեմն շատ ա խորոված կերել, դրա համար էլ բռնել են»:
Հռիփսիմե ՋԵԲԵՋՅԱՆ
Ութը մայիսի 1992 թ.: Շուշի: Առավոտյան ժամը հինգին մոտ էր, խաղաղ առավոտ, լուռ արեւածագ: Դատարկություն: Ռուսական մատուռի մոտ…
Քսաներեքը մայիսի 1992 թ.: Երասխ: Ախտեցիները եկան, ԲՄՊ-ն փչացավ ու ետ գնացին:
Ինը հունիսի 1992 թ.: Լաչինում նշում էին Կարմիր Քրդստանի վերականգնումը:
Ո՞վ է Սեյրան Սարոյանը: Ազատամարտիկ ա, էլի, տղա ա իրա համար: Ըտենց լիքը ունենք էլի կռված տղերք, ի՞նչ ա եղել: Շատ ունենք տենց «հրամանատարներ», ԵԿՄ անդամներ, «գեներալներ»…