«Չեմ կարծում, որ Բաղրամյան պողոտան փակ կմնա»,- հուլիսի 2-ին «Փաստարկ» մամուլի ակումբում լրագրողների հետ հանդիպման ընթացքում ասաց 4-րդ գումարման ԱԺ պատգամավոր, աստվածաբան Վարդան Խաչատրյանը:
Նա նշեց, որ Բաղրամյան պողոտայում այդպիսի զանգված եւ զգացմունքային վերելք չկա. «Դրա իմաստը չեմ տեսնում: Ասենք թե փակ եղավ, այնտեղ դրված են այդ աղբամանները, եւ հետեւում մարդ չկա կանգնած: Ինչքա՞ն պետք է այսպես շարունակվի, որ առավոտ կանուխ այնտեղ 15 հոգի է, 18 հոգի է, 20 հոգի է, եթե չկան ելույթներ: Ասում են՝ չպետք է ելույթներ լինեն, այնտեղ առավել ընդունված ասում են՝ «Մենք ենք տերը մեր երկրի»: Այդ «Մենք ենք տերը մեր երկրին» կրկնեցինք բազմաթիվ անգամներ, հիմա այդ ընթացքում ովքեր եկան էլի գոռացին «Մենք ենք տերը մեր երկրի», մենք խոսում ենք հայ ժողովրդի մասին, որն ինչ-որ մի բան ուզում է լսի, ինչ-որ մի բան հասկանա, հաջորդական տրամաբանական քայլեր տեսնի, ինչ-որ մոբիլիզացիա տեսնի՝ զգացմունքային եւ կազմակերպչական»:
Վարդան Խաչատրյանը հավելեց, որ շարժման ընթացքում իր համար պարզ է դարձել, որ Հայաստանի ապագան այդքան էլ մառախլապատ չէ. «Հասկացա, որ կոնկրետ զարգացումների դեպքում կլինեն կոնկրետ անցումներ եւ ոչ միայն հեղափոխական անցումներ, այլ նաեւ տրանսֆորմացիոն անցումներ, որովհետեւ իշխանությունները փորձում են լեզու գտնել ոչ թե կտրականապես, ինչպես ասում են, կացնով հատում են հարաբերությունները եւ կանգնում են իրենց դիրքերում: Այս ամենը բավականին դրական էր եւ արժի, որ բոլոր կողմերը քայլեր իրականացնեն, որոնք մեզ՝ որպես հասարակություն, չգցեն ծանր ցնցումների մեջ»:
Ամի ՉԻՉԱԿՅԱՆ
Մեր ազգի դժբախտությունն այն է որ կուշտ մարդը երբեք սովածի մասին չի մտածել:Ժողովրդին չէս օգնում, գոնե ավելորդ մի դուրս տուր:
«Մենք ենք տերը մեր երկրի»
«Մենք ենք տերը մեր երկրի»
«Մենք ենք տերը մեր երկրի»