Իջեւանի տարածաշրջանի Բերքաբեր գյուղը գտնվում է ադրբեջանական դիրքերից մոտ 400-500 մ հեռավորության վրա: Ադրբեջանական ուժգին գնդակոծությունների ժամանակ գյուղից ժամանակավորապես տարհանվում են փոքրահասակ երեխաները: Մինչդեռ ռազմավարական նշանակություն ունեցող Բերքաբեր տանող միակ ճանապարհը տարիներ շարունակ անբարեկարգ է: Շուրջ մեկ ամիս առաջ Բերքաբերի համայնքապետարանն իր սուղ միջոցներից կատարել է այդ ճանապարհի փոսերի նորոգում: Սակայն հորդ անձրեւները քշում-տանում են փոսերի մեջ լցված խիճը:
Հավելենք, որ Բերքաբերը գազաֆիկացված չէ, ունի խմելու եւ ոռոգման ջրի սուր խնդիր:
Ոսկան ՍԱՐԳՍՅԱՆ