Ադրբեջանական զինուժի կողմից հաճախ գնդակոծվող Տավուշի մարզի սահմանամերձ գյուղերի բնակիչները համեմատաբար ավելի թանկ են վճարում իրենց ավտոմեքենաները գազով լիցքավորելու համար:
Գեղարքունիքի մարզի Սեւան քաղաքի ավտոգազալցավորման ճնշման կայաններում մեկ խորանարդ մետր գազի գինը 170 դրամ է: Տավուշցի վարորդներն ասում են, որ այդ ԱԳԼՃԿ-ներում մինչեւ 250 մթնոլորտ ճնշում են ապահովում:
Վարորդների վկայությամբ՝ Տավուշի մարզում գործող ԱԳԼՃԿ-ներում լիցքավորելիս առավելագույնը 220 մթնոլորտ են ապահովում: Իջեւանի տարածաշրջանի Սարիգյուղի տարածքում գործող ԱԳԼՃԿ-ում մեկ խորանարդ մետր գազի գինը 180 դրամ է, Տավուշի մարզի ավտոգազալցավորման մյուս կայաններում՝ 200 դրամ: Իջեւան-Ազատամուտ ճանապարհին գործող ԱԳԼՃԿ-ում անցյալ տարի մեկ խորանարդ մետր գազի գինը 160 դրամ էր, սակայն այդ տարածաշրջանի այլ ԱԳԼՃԿ-ի տերերի պահանջով այդ լիցքավորման այդ կայանում գազի գինը դարձավ 200 դրամ:
Նշենք, որ Վրաստանից Հայաստան մտնող ռուսական բնական գազի խողովակաշարը ի սկզբանե ձգվում է Տավուշի մարզի տարածքով : Տավուշի մարզի ԱԳԼՃԿ-ներում ինչպե՞ս է ձեւավորվում գազի գինը, ո՞վ է վերահսկում այս ոլորտում տնտեսական մրցակցությունը:
Կարդացեք նաև
Ոսկան ՍԱՐԳՍՅԱՆ
