Արցախի խնդիրը, ընդհանուր առմամբ, չի ազդում հայ-իրանական հարաբերությունների վրա՝ չնայած իրանական կողմից երբեմն-երբեմն հայտարարում են, որ ճանաչում են Ադրբեջանի տարածքային ամբողջականությունը:
Այս մասին «Առավոտի» հետ զրույցում ասաց իրանագետ Վարդան Ոսկանյանը՝ անդրադառնալով «Մետաքսի նոր ճանապարհ» ծրագրում Իրան-Հայաստան երկաթգծի կառուցման հնարավորություններին: Նա նկատում է, որ Արցախի հարցում Իրանն առնվազն շահագրգիռ է «ստատուս քվոյի» պահպանման համար, քանի որ իրանա-ադրբեջանական սահմանը դիտարկվում է սահման, որից Իրանի հյուսիսային թուրքալեզու շրջանների նկատմամբ վտանգ է բխում: Հայտնի է, որ Ադրբեջանը հավակնություններ ունի այդ առումով: «Այդ սահմանի կրճատումը մեր ազատագրված տարածքներով ձեռնտու է նաեւ Իրանին: Այսինքն՝ տվյալ հարցում Իրանի հռետորաբանությունը իրականության մեջ հաճախ տարբերվում է կոնկրետ վարքագծից»,- ասաց Վարդան Ոսկանյանը:
«Առավոտ» օրաթերթ
24.09..2015
