Միգրացիայի միջազգային կազմակերպության «Մասնագիտական բարձր որակավորում ունեցող հայրենակիցների ժամանակավոր վերադարձ» ծրագրի շրջանակում ԵՊՀ հրավերով երկու շաբաթով Երեւանում է գտնվում բանասիրական գիտությունների դոկտոր, Վենետիկի համալսարանի դասախոս Սոնա Հարությունյանը: Քանի որ Aravot.am-ը դեռ 2013-ին անդրադարձել էր, անվանի հայագետ հայր Լեւոն վարդապետ Զեքիյանի ջանքերով Վենետիկի համալսարանում հիմնադրված հայոց լեզվի եւ գրականության ամբիոնի խնդիրներին, տիկին Հովհաննիսյանից հետաքրքրվեցինք, ինչպե՞ս են լուծվել դրանք: Սոնա Հարությունյանը հայտնեց, որ ամբիոնի հետ կապված խնդիրները մասամբ կարգավորվել են, քանի որ Վենետիկի համալսարանի եւ Իտալիայում ՀՀ դեսպանության միջեւ կնքվել է հնգամյա պայմանագիր: Ինչ վերաբերում է ֆինանսական խնդիրներին, դրանց կարգավորումը պետական միջնորդությամբ նախատեսված է այս ուսումնական տարվա ընթացքում:
Տիկին Հարությունյանից տեղեկացանք, որ իրենց մոտ հայագիտություն է ուսումնասիրում շուրջ 2 տասնյակ ուսանող, որոնցից ոմանց ավարտական թեզերը Հայոց ցեղասպանության թեմայով են: Դրանում իր ներդրումն ունի նաեւ հայազգի դասախոսը: Ինչ վերաբերում է համալսարանն ավարտածներին, մեր զրուցակցի հավաստմամբ, նրանք չեն կտրում կապը ամբիոնի հետ:
Գոհար ՀԱԿՈԲՅԱՆ
