«Իշխանությունը ցույց տվեց, որ ինքն ուղն ու ծուծով ապօրինի է»,- դեկտեմբերի 1-ին «Նոր Հայաստան» հանրային փրկության ճակատի երթից հետո՝ Ազատության հրապարակում, հայտարարեց «Ժառանգություն» կուսակցության առաջնորդ Րաֆֆի Հովհաննիսյանը:
Նա նշեց, որ պաշտպանության տակ վերցված է կուսակցական շենք եւ այդ կուսակցապետությունը պետք է անկում ապրի. «Մենք պատրաստ ենք մնալու, գնալու եւ բերելու նոր Հայաստան»:
Անդրադառնալով ոստիկանության հայտարարությանը, որով ոստիկանությունը Ժիրայր Սեֆիլյանին եւ Րաֆֆի Հովհաննիսյանին սթափության կոչ է անում, նա ասաց. «Նման հիմնազուրկ, ապատեղեկատու հաղորդագրություններ այլեւս չտեսնենք ժողովրդի ծառա ոստիկանությունից, որովհետեւ մենք բոլորս այստեղ սթափ ենք, եւ սադրանքն ու անսթափությունը ուրիշ տեղից է գալիս: Սա ո՛չ զգուշացում է, ո՛չ էլ սպառնալիք, ուղղակի ժողովուրդն ակնկալում է ոստիկանության իրական ծառայությունը եւ ոչ թե սադրանքը, որն է այս հայտարարությունը»:
Ամի ՉԻՉԱԿՅԱՆ
