Ադրբեջանի պաշտպանության նախարարությունը հաղորդագրություն է տարածել, որում ղարաբաղա-ադրբեջանական շփման գծում լարվածության աճի համար Հայաստանին է մեղադրել։ Այս մասին տեղեկացնում է Interfax.az-ը։
Նրանք ընդունել են, որ վերջին շրջանում լարվածությունը կտրուկ աճել է։ Ադրբեջանի պաշտպանական գերատեսչությունը հայտարարել է, թե իրենք պատասխանում են հայկական կողմի կրակին միայն։
Անդրադառնալով երեկ շփման գծում տանկ օգտագործելուն՝ Ադրբեջանի պաշտպանության նախարարությունը հայտարարել է, թե մի քանի անգամ զգուշացրել է, որ եթե հայկական կողմից հրադադարի ռեժիմը խախտվի, իրենց բանակը, ստեղծված իրավիճակին համապատասխան, պատասխան կրակ կբացի ավելի հզոր զինատեսակներից եւ կոչնչացնի հակառակորդի կրակակետերը։
Պատրաստեց Աշոտ ԻՍՐԱԵԼՅԱՆԸ
