Հունվարի 27-ին Տավուշի մարզպետ Հովիկ Աբովյանը որոշում է ընդունել Ռուզաննա Գրիգորյանին «Իջեւանի բժշկական կենտրոն» ՓԲԸ-ի տնօրեն նշանակելու եւ նրա հետ 5 տարով աշխատանքային պայմանագիր կնքելու մասին: Մարզպետի որոշման հիմքում հունվարի 27-ին կայացած Իջեւանի բժշկական կենտրոնի տնօրենի թափուր տեղի համար մրցույթի արդյունքներն են: Մրցույթին մասնակցելու համար դիմել էր 4 թեկնածու՝ «Իջեւանի բժշկական կենտրոն» ՓԲԸ-ի տնօրենի ժամանակավոր պաշտոնակատար Ռուզաննա Գրիգորյանը, ՀՀ ոստիկանության բուժվարչության հոսպիտալի վիրաբույժ Գագիկ Խառատյանը, անհատ ձեռնարկության տնօրեն Վազգեն Մարգարյանը, «Նաիրի» բժշկական կենտրոնի պաթանատոմ Գարիկ Աղաբեկյանը:
Տավուշի մարզպետարանից հայտնում են,որ Վազգեն Մարգարյանը եւ Գարիկ Աղաբեկյանը մրցույթին չեն ներկայացել: Մրցույթային հանձնաժողովը երկու թեկնածուներից հաղթող է ճանաչել Ռուզաննա Գրիգորյանին:
Ռ. Գրիգորյանը նախկինում զբաղեցրել է Աչարի առողջության կենտրոնի տնօրենի պաշտոնը:
Նշենք, որ Իջեւանի ԲԿ-ի նախկին տնօրեններ Հրաչյա Ներսիսյանի եւ Վազգեն Մարգարյանի նկատմամբ, ֆինանսատնտեսական խախտումների համար, քրեական գործեր էին հարուցվել: Սակայն Հայաստանի քննչական կոմիտեի Տավուշի մարզային վարչությունում կատարված քննության արդյունքում այդ քրեական գործերը կարճվել են:
Կարդացեք նաև
Մեր տեղեկություններով ՝ Իջեւանի ԲԿ-ն ֆինանսական խնդիրներ ունի, պարտքեր:
Ոսկան ՍԱՐԳՍՅԱՆ
Բայց հալալ է Տավուշի մարզպետի կերած կաթը, նույնսիկ երկրի նախագահը ուներ Իջևանի ԲԿ-ի տնօրենի թեկնածու, բայց Տավուշի մարզպետը նշանակեց իր թեկնածուին և մերժեց բոլոր միջնորդողներին:Միշտ հարգել եմ իրեն հիմա ավելի շատ սկսեցի հարգել, որ ասեց ես իմ թքած թուքը հետ չեմ վերցնի, ով ուզում է զանգի:
Շտապ օգնությունը հրաժարվում է օգնել իջևանցիներին, էլ ինչու է կարգազանց Ռ. Գրիգորյանը նշանակվել ԲԿ-ի տնօրեն;
Վերջերս պետական պաշտոնատար անձիք սովորություն են դարձրել իրենց ընկերուհինների տեղավորել բարձր պաշտոններում…
Որ այդպես լիներ հիմա դու` Սիրանուշ , շատ շուտվանից ինչ որ հիմնարկի տնօրեն պետք է լինեիր…