Կենտրոն եւ Նորք-Մարաշ վարչական շրջանների ընդհանուր իրավասության դատարանում դատավոր Ռուբեն Ափինյանի նախագահությամբ այսօր տեղի ունեցավ «Թռչող առագաստ» ՍՊԸ-ն ընդդեմ «Ա1+» հեռուստաընկերության գործով նախնական նիստը:
Հայցվորի ներկայացուցիչ Հասմիկ Փախանյանը հայցում նշել էր չորս պատասխանող՝ «Ա1+» հեռուստաընկերություն, «Մելտեքս» ՍՊԸ, Mamul.am, «Սոուշլ մեդիա» ՍՊԸ: Ռուբեն Ափինյանը առաջարկեց կողմին վերանայել պատասխանողների ցանկը եւ հաջորդ նիստին ներկայացնել դատարան:
«Մելտեքս» ՍՊԸ ներկայացուցիչ Արթուր Այվազյանը միջնորդություն ներկայացրեց դատարան՝ հետաձգել նախնական դատական նիստը, որպեսզի ինքը կարողանա ծանոթանալ գործի նյութերին:
Դատական նիստը հետաձգվեց, հաջորդ նիստը տեղի կունենա մարտի 23-ին:
Կարդացեք նաև
«Թռչող Առագաստ» ընկերությունը պահանջում է «Ա1+» հեռուստաընկերությունից՝ հերքել «Օրացույց» հաղորդմամբ վերահրապարակած տեղեկությունը, ըստ որի՝ 2001 թվականի սեպտեմբերի 24-ին «Առագաստ» սրճարանի զուգարանում է սպանվել Վրաստանի քաղաքացի Պողոս Պողոսյանը:
«Թռչող Առագաստ» ընկերությունը պահանջում է պատվի, արժանապատվության եւ գործարար համբավի պաշտպանությունը եւ փոխհատուցում 1 միլիոն դրամ:
Ամի ՉԻՉԱԿՅԱՆ