Երեկ փորձեցինք ՀՀԿ Գործադիր մարմնի անդամ Սամվել Նիկոյանից պարզել, թե ՀՅԴ-ի հետ իրենց ամիսներ տեւած բանակցությունների ընթացքում քննարկե՞լ են 2017-ին այդ կուսակցությանը հնարավորինս լայն ներգրավվածություն ապահովելու հարցը։ «Այն, որ ՀՅԴ-ն կարող է լինել երկրորդ ուժը եւ ավելի ներկայացված լինել խորհրդարանում, դա բնական է։ Բայց հիմա նման հարց մենք չենք կարող քննարկել, քանի որ դա որոշվելու է 2017թ. ԱԺ ընտրությունների արդյունքում։ Մենք հիմա քննարկում ենք մեր երկրի առջեւ ծառացած խնդիրների շուրջ համագործակցության հարցը։ Այս նոր համագործակցությունը միտված է մեր երկրին բարեփոխում բերելու հրամայականին»,- պատասխանեց նա։
Այնուամենայնիվ, ապագային միտված այդ գլոբալ քննարկումների շարքում կա՞ ՀՅԴ-ի ապագա ներգրավվածությանը վերաբերող հարցը։ «Ներգրավվածության մասին քննարկումների վերջնական արդյունքը մենք կիմանանք վաղը կամ վաղը չէ մյուս օրը։ Դրանք երկրորդական հարցեր են»,- այսպիսի խուսափողական պատասխան տվեց Սամվել Նիկոյանը։
Արմինե ԱՎԵՏՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
