«Շատ փոքր ծավալներով է իրական առեւտուրը գնում»,- մարտի 9-ին «Նոյյան տապան» մամուլի ակումբում լրագրողների հետ հանդիպման ընթացքում անդրադառնալով առեւտրականների բարձրացրած խնդիրներին, ասաց Հայաստանի Գործատուների Հանրապետական Միության նախագահ Գագիկ Մակարյանը:
Նա նշեց, որ էկոնոմիկայի նախարարությունում բարձրաձայնել է այս խնդիրը, նախարարությունը պատրաստ է քննարկել խնդիրը եւ ընդհանուր հայտարարի գալ խնդրի լուծումների շուրջ. «Կարծում եմ, որ նաեւ այստեղ կարելի է բանակցել տոնավաճառների տերերի հետ, որպեսզի նրանց հետ էլ գալ կոմպրոմիսային լուծումների: Որովհետեւ տեսեք՝ ինչ է ստացվում, տոնավաճառները հիմա մտել են մրցակցության մեջ՝ տեսնելով, որ կա ճնշում, ռիսկ, որ կարող են զրկվել իրենց հաճախորդներից, գները կարող է իջեցնեն, բարեգործական քայլեր են անում: Այսինքն՝ սրանք տարբեր ոլորտներ են, որոնք մարքեթինգային առումով կիրառվում են շուկայում: Հարկավոր է տրամաբանորեն նայել»:
Գագիկ Մակարյանը համարում է, որ Հայաստանում այսօր առեւտուրը խնդիրներ ունի, որոնք գլոբալ լուծման կարիք ունեն. «Այսինքն՝ ոչ միայն տոնավաճառները, այլ նաեւ այլ խնդիրներ կան: Եվ որպեսզի հազարավոր մարդիկ, որոնք ներառվել են այդ ոլորտի մեջ, կարողանան իրենց գոյությունը պահպանել»:
Կարդացեք նաև
Ամի ՉԻՉԱԿՅԱՆ
