Ռուսաստանի և Շվեյցարիայի արտգործնախարարները Լեռնային Ղարաբաղի հակամարտության կողմերին կոչ են անում պահպանել հրադադարի շուրջպայմանավորվածությունը, Մոսկվայում հայտարարել է Ռուսաստանի արտգործնախարար Սերգեյ Լավրովը՝ շվեյցարացի իր գործընկերոջ՝ Դիդիե Բուրկհալտերի հետ հանդիպմանը հաջորդած համատեղ ասուլիսի ժամանակ։
«Մենք մտահոգված ենք Լեռնային Ղարաբաղի հակամարտության գոտում իրադրության սրմամբ: Կոչ ենք անում կողմերին՝ պահպանել հրադադարի շուրջ պայմանավորվածությունը և խախտումներ թույլ չտալ», – հայտարարել է Լավրովը՝ նշելով, որ իրենք շահագրգռված են, որ քաղաքական ուղղությամբ դրական քայլեր նշմարվեն այդ բարդ հակամարտության կարգավորման հարցում։
2014 թվականին ԵԱՀԿ-ն նախագահող Շվեյցարիայի դիվանագիտական գերատեսչության ղեկավարն իր հերթին, անդրադառնալով ղարաբաղյան հակամարտության թեմային, հայտարարել է, թե Շվեյցարիան շատ մտահոգ է ղարաբաղյան հակամարտության սրման կապակցությամբ։
«Իրադրությունը Լեռնային Ղարաբաղում փոքր-ինչ հանդարտվել է Ռուսաստանի ջանքերի շնորհիվ, սակայն, տարածաշրջանը մնում է բարդ և հակամարտության սրացման վտանգ կա: Ղարաբաղյան հիմնախնդրի շուրջ իրադրության սրումը շատ լուրջ հարց է: Կարևորում ենք երկխոսության և պայմանավորվածությունների կառուցվածքային գործընթացի կազմակերպումը», – ընդգծել է Դիդիե Բուրկհալտերը՝ արձանագրելով, որ մինչ օրս նման գործընթաց չի հաջողվել կազմակերպել, և պետք է դրանով զբաղվել:
Կարդացեք նաև
Լուսինե Մուսայելյան
Նյութի մանրամասները կարդացեք «Ազատություն» ռադիոկայանի կայքում
