«Հայոց աշխարհի» զրուցակիցը երգիչ, երգահան, հայաստանյան ժյուրիի անդամ ՀԱՅԿՈՆ է, որը 2007 թվականին մեր երկիրը ներկայացրել էր «Եվրատեսիլում» եւ զբաղեցրել 8-րդ հորիզոնականը:
-Իվետան շատ բարձր մակարդակի արտիստ է, իսկ նրա ելույթը լավագույններից էր, այսինքն՝ այնպիսին, որ հանգիստ կարող էր հաղթանակել: Իվետան արդեն իր ստորագրությունը դրեց երաժշտական աշխարհում որպես լավ արտիստ, եւ բոլորը նրան ավելի շատ հարգեցին, ճանաչեցին ու սիրեցին: Եվ համոզված եմ, որ նա պետք է սկսի իր բուռն գործունեությունը երաժշտական աշխարհում, որովհետեւ նման ճաշակով, լավ, պայծառ, գեղեցիկ դեմքի կարիք ունենք:
Ընդհանրապես սկսած 2006 թվականից, երբ նոր միայն «Եվրատեսիլի» ընտանիքի մաս կազմեցինք, սկսեցինք մեր սխալների, նաեւ լավ գործերի վրա սովորել, թե ինչպես կարելի է ավելի լավ մասնակցել այդ մրցույթին: Ու երեւի կարելի է ասել, որ Իվետայի ելույթն այդ ամբողջ տարիների աշխատանքի ամփոփումն է: Դա կարեւոր է նաեւ այն հանգամանքով, որ հոբելյանական՝ տասներորդ անգամ էինք մասնակցում մրցույթին:
-Եվրոպական հեռարձակողների միությունը, որն անցկացնում է «Եվրատեսիլ» մրցույթը, գրեթե միշտ շեշտում է, որ չի կարելի երաժշտական մրցույթը քաղաքականացնել, սակայն ավելի շատ հենց ինքն է քաղաքականացնում:
Կարդացեք նաև
-Մեր դրոշի համար այդքան աղմուկ բարձրացրին, բայց չէ՞ որ նաեւ Ջամալան էր բարձրացրել արգելված դրոշ, ինչի մասին լռեցին: Բացի դրանից, երբ երգչուհուն հարցնում էին, թե ինչի մասին է երգը, ինչու է այն վերնագրված «1944», նա պատասխանում էր, որ դա իր անձնական պատմությունն է: Բայց վերջում պարզվել է, որ դրա վրա ֆիլմ կա նկարված, որի սաունդթրեքը, ֆիլմն ամբողջությամբ նվիրված է ինչ-որ դեպքերի, որոնք տեղի են ունեցել Ղրիմում: Ու պարզ դարձավ նաեւ, որ այդ ամենն իրոք ուղղված էր Ռուսաստանի դեմ:
Ռուսլան ԹԱԹՈՅԱՆ
Հարցազրույցն ամբողջությամբ՝ «Հայոց աշխարհ» թերթի այսօրվա համարում
