Կենտրոն եւ Նորք Մարաշ վարչական շրջանների ընդհանուր իրավասության դատարանը մերժեց քաղաքացիական ակտիվիստ Գեւորգ Սաֆարյանի պաշտպանի՝ փաստաբան Տիգրան Հայրապետյանի միջնորդությունը:
Հիշեցնենք, որ փաստաբանը միջնորդել էր դատավոր Մնացական Մարտիրոսյանի ինքնաբացարկը՝ հիմնավորելով, որ լուրջ կասկածներ ունեն, որ նա անաչառ ու օբյեկտիվ քննություն չի անցկացնի: Մնացական Մարտիրոսյանը մերժեց միջնորդությունը՝ հիմնավորելով՝ անհիմն է:
Մերժման մասին որոշումը հայտնելուց հետո մեղադրող Վահե Թովմասյանը միջնորդեց թույլ չտալ լրատվամիջոցների ներկայացուցիչներին տեսաձայնագրել՝ հիմնավորելով, որ վկաների ցուցմունքները հնարավոր է հրապարակվեն համացանցում, իսկ վկաները դատարանի դահլիճում ներկա գտնվելու եւ մյուս վկաների ցուցմունքներին ծանոթանալու իրավունք չունեն:
Դատավոր Մնացական Մարտիրոսյանը մերժեց միջնորդությունը մասնակի: Դատավորը թույլ տվեց լրատվամիջոցների ներկայացուցիչներին` լուսանկարել եւ նկարահանել նիստից ամեն ինչ, բացի մեղադրող կողմին:
Կարդացեք նաև
Հիշեցնենք, որ ակտիվիստը մեղադրվում է Ամանորի գիշերը իշխանության ներկայացուցչի նկատմամբ բռնություն գործադրելու մեջ:
Արփինե ՍԻՄՈՆՅԱՆ
