ԼՂ «Ազգային վերածնունդ» կուսակցության գործադիր մարմնի անդամ Տիգրան Գրիգորյանը չի ցանկանում մեկնաբանել կուսակցության նախագահ, նախօրեին ծեծի ենթարկված Հայկ Խանումյանի հասցեին ԼՂ ՊԲ նախկին հրամանատար Սամվել Բաբայանի թույլ տված արտահայտությունը:
Հիշեցնենք, որ պարոն Բաբայանն ասել էր, թե Հայկ Խանումյանը ղալաթ է արել, որ իրեն ՊՆ նախարար նշանակելու պահանջով բողոքի ակցիա է արել:
«Սամվել Բաբայանի հարցազրույցի պահով որեւէ մեկնաբանություն չունեմ, ճիշտ կլինի Սամվել Բաբայանից մեկնաբանություն վերցնեք»,- ասաց Տիգրան Գրիգորյանը:
Ինչ վերաբերում է Հայկ Խանումյանի ստորագրած փաստաթղթին, թե իրեն վճարել են՝ հանրահավաք կազմակերպի, պարոն Գրիգորյանը հիշեցրեց Հայկ Խանումյանի հայտարարությունը, թե արել է սպառնալիքի տակ. «Դանակը դրել են վզին, ասել են՝ կամ ստորագրում ես կամ սպանում ենք»:
Կարդացեք նաև
Ինչո՞ւ են կատարվածում տեսնում ԼՂ իշխանություններին՝ հարցին, պարոն Գրիգորյանը շարունակեց. «Օրինակ Բակո Սահակյանի մամլո խոսնակ Դավիթ Բաբայանն իր հարցազրույցներից մեկի ժամանակ հայտարարել է, թե եթե հիմա մեկն անպատվում է մարդկանց, ինչ անենք, լռե՞նք: Նա նախագահի մամլո խոսնակն է ու ներկայացնում է նախագահի պաշտոնական կարծիքը: Նա փաստորեն, պարզ, ուղիղ տեքստով խոստովանում է՝ այս հանցագործության հետեւում Արցախի իշխանություններն են կանգնած»:
Արփինե ՍԻՄՈՆՅԱՆ
Լուսանկարը՝ «Անալիտիկոնի»:
՛՛…Հիմա եթե մեկն անպատվում է մարդկանց, ի՞նչ անենք. լռե՞նք։՛՛ – ասում է ԼՂՀ նախագահի մամուլի խոսնակ Դավիթ Բաբայանը«Ա1+»-ի հետ զրույցում։
Սա ո՛չ միայն ինքնախոստովանություն է, այլ մեղայական՝ դատարան ներկայանալու համար:
Ինչ որ մեկը կասկած ունի՞ որ այս հանցագործության հետեւում Արցախի իշխանություններն են կանգնած: Արտաքին թշնամին հայ զինվորի կոտորեց, ներքին թշնամին էլ ՝ հայ գործչի: Ինչ որ մեկը տարբերություն տեսնու՞մ է այս թշնամիների միջեւ: