Նախկին ԲՀԿ-ական, ԱԺ պատգամավոր Վարդան Օսկանյանի ղեկավարած «Համախմբում» կուսակցությանն անդամակցել է նաեւ Արցախյան պատերազմի մասնակից «Արաբո» ջոկատի հիմնադիր-հրամանատար Մանվել Եղիազարյանը: «Պարտավոր եմ լինել քաղաքական դաշտում եւ իմ գաղափարները հասանելի դարձնել: 56 տարեկան եմ, պարտավոր եմ կրկին փորձել մի լավ բան անել հայրենիքիս համար», որոշումն այսօր լրագրողների հետ զրույցում այսպես մեկնաբանեց Մանվել Եղիազարյանը:
Դիտարկմանը, թե կուսակցության ետեւում գուցե կանգնած է Ռոբերտ Քոչարյանը, Մանվել Եղիազարյանն այսպես արձագանքեց. «Շատ հնարավոր է, բայց, քանի որ այսօր ես այդ մասին տեղեկություն չունեմ, բան չեմ ասում: Եթե վաղն այդ մասին տեղեկություն ունենամ, պարտադիր` առանց վախենալու կասեմ` այո, Ռոբերտ Քոչարյանը կանգնած է սրա ետեւում, բայց չունեմ հիմա նման տեղեկություն»:
Հիշեցնենք, որ այսօր կայացավ «Համախմբում» կուսակցության հիմնադիր համագումարը:
Լուիզա ՍՈՒՔԻԱՍՅԱՆ
