«Էս ի՜նչ զուլում եկավ մեր գլխին, ո՞ւմ էինք վատություն արել, ես իմ տղուն եմ ուզում, իմ տղուն ո՞նց տարաք ինձանից»,- այսօր ոստիկանության գնդապետ Արթուր Վանոյանի հուղարկավորություն էր, մայրը սգում էր 49-ամյա որդու մահը ու հարցադրումներ անում՝ ինչի՞ համար, ո՞ր մեղքի համար:
Հուղարկավորությանը ներկա էր ոստիկանապետ Վլադիմիր Գասպարյանը, պատգամավորներ Նաիրա Զոհրաբյանը, Միքայել Մելքումյանը, ԲՀԿ նախկին պատգամավոր Մելիք Մանուկյանը՝ շշի Մելոն, փոխոստիկանապետ Սամվել Հովհաննիսյանը եւ այլ բարձրաստիճան պաշտոնյաներ:
Կարդացեք նաև
«Հրաշալի մարդ, հայր, ընկեր, պատվախնդիր սպա, բարձրակարգ մասնագետ»,- Սամվել Հովհաննիսյանն այսպես բնորոշեց Արթուր Վանոյանին՝ ասելով, որ նրա հիշատակը հավերժ վառ կմնա բոլորի սրտում:
Ոստիկանապետ Վլադիմիր Գասպարյանը գնդապետ Վանոյանին հետմահու պարգեւատրել է ամենաբարձր պարգեւով՝ Սխրագործության համար մեդալով: Նաեւ գնդապետ Վանոյանի կրծքանշանը՝ նրա անձնական համարը հանձնվեց հարազատներին, նման քայլն առաջին անգամ է արվում ոստիկանական համակարգում:
Գնդապետի հուղարկավորությունը տեղի ունեցավ հատուկ արարողակարգով: Մի տղամարդ հեկեկալով լաց էր լինում ու սգում Վանոյանի մահը: Մոր խոսքերով՝ «ով փող չի ունեցել, փող ենք տվել, հաց չեն ունեցել՝ հաց ենք տվել, ինչո՞ւ պիտի իմ տղան այսպես գնար, վայ, բալա ջան, էս ինչ արին քեզ»:
Հռիփսիմե ՋԵԲԵՋՅԱՆ
դու էսի կուլ չեք տալու- տականքներ