Ադրբեջանի փոխվարչապետ, փախստականների և բռնի տեղահանվածների հարցերով պետական կոմիտեի նախագահ Ալի Հասանովն անդրադարձել է Լեռնային Ղարաբաղի հակամարտությանն ու 2016թ. ապրիլի սկզբին տեղի ունեցած ռազմական բախումներին։ Այս մասին տեղեկացնում է Minval.az-ը։
Հասանովի կարծիքով՝ ղարաբաղա-ադրբեջանական հակամարտության չլուծված լինելը ծառայում է որոշ ուժերի շահերին. «Լեռնային Ղարաբաղի հակամարտության կարգավորումը մեզ համար առաջնային նշանակություն ունի։ Մեր հիմնական նպատակը միջազգային իրավունքի ու նորմերի և Ադրբեջանի տարածքային ամբողջականության շրջանակներում հակամարտության արագ կարգավորումն է»։
Խոսելով ապրիլյան դեպքերի մասին՝ Հասանովն ասել է. «ՀՀ-ն մտադիր է սառեցված թողնել հակամարտությունը։ Ապրիլյան բախումները ևս մեկ անգամ ցույց տվեցին, որ անհրաժեշտ է փոխել ստատուս-քվոն։ Վերջին երկու ամիսներին բանակցային գործընթացում նկատվում է որոշակի առաջընթաց։ ԵԱՀԿ Մինսկի խմբի անդամ պետությունների առաջնորդները աշխուժություն են ցուցաբերում Ղարաբաղի հարցում»։
Կարդացեք նաև
