«Փաստարկ» մամուլի ակումբում այսօր լրագրողները ՀՀԿ-ական պատգամավոր Արտակ Դավթյանից հետաքրքվեցին` ի՞նչ գնահատական կտա «Համախմբում» կուսակցության առաջնորդ Վարդան Օսկանյանի դիրքորոշմանը` հաշվի առնելով այն փաստը, որ նրա օրոք են ընդունվել Մադրիդյան սկզբունքները, իսկ հիմա նա դրանց դեմ է արտահայտվում:
Դավթյանը հարցին պատասխանեց օրերս տեղի ունեցած մի դեպքի օրինակով. «Օտարերկրացի դիվանագետներից մեկն ասաց` «գիտե՞ք` Վարդան Օսկանյանը շատ հետաքրքիր գործիչ է, ինչպե՞ս կարողացավ Մադրիդյան սկզբունքները մշակել եւ հրամցնել որպես բանակցությունների փաստաթուղթ»: Ասացի` «գիտե՞ք, հիմա նա քննադատում է այդ նույն Մադրիդյան սկզբունքները»: Հարցրեց` «ինչո՞ւ»: Պատասխանեցի` «որովհետեւ նա շատ հետաքրքիր գործիչ է…»: Եկեք սրանով վերջակետ դնենք, սա քաղաքականություն է»:
Ինչ վերաբերում է ՀՀ 2-րդ նախագահ Ռոբերտ Քոչարյանի վերջին դիտարկումներին, Արտակ Դավթյանը մեկնաբանելու փոխարեն հիշեցրեց արդեն պատմած զրույցը` ասելով, որ դա նաեւ տվյալ հարցի պատասխանն է:
Կարդացեք նաև
Լուիզա ՍՈՒՔԻԱՍՅԱՆ
