Քիչ առաջ Երեւանի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանից դուրս եկավ «Նոր Հայաստան» հանրային փրկության ճակատի անդամ Անդրեաս Ղուկասյանի փաստաբան Ինեսսա Պետրոսյանը եւ հայտնեց, որ դատարանը հեռացել է խոհրդակցական սենյակ՝ քննարկելու Ղուկասյանին գրավի դիմաց ազատ արձակելու միջնորդությունը:
Փաստաբանը հայտնեց, որ առաջարկում են Ղուկասյանին ազատ արձակել 1 միլիոն դրամ գրավի դիմաց:
Նիստում, ըստ Ինեսսա Պետրոսյանի, ցուցադրվել է տեսանյութ, համաձայն որի Ղուկասյանը Սարի թաղի դեպքերի ժամանակ չի հրահրել զանգվածային անկարագություններ:
Կարդացեք նաև
Ինեսսա Պետրոսյանը տեղեկացրեց, որ 30 օրից ավելի է ինչ Անդրեաս Ղուկասյանը սնունդ չի ընդունել, միայն հյութեր է խմում:
Այս պահին դատարանի դիմաց ցուցարարները սպասում են դատարանի որոշման հրապարակմանը:
Լուիզա ՍՈՒՔԻԱՍՅԱՆ
