Խորհրդարանական հանձնաժողովներում շարունակվում են բյուջետային քննարկումները: 2017 թվականի պետական բյուջեի նախագծով նախագահի աշխատակազմին հատկացվելու է 4,5 միլիարդ դրամ, որից 3,86 միլիարդ դրամ՝ ապարատի պահպանման համար: Այդ մասին քննարկումների ժամանակ տեղեկացրեց Ֆինանսների նախարարի տեղակալ Ատոմ Ջանջուղազյանը:
Ազգային ժողովին կհատկացվի 4,662 միլիարդ դրամ, որից 4,1 միլիարդ դրամը՝ ապարատի պահպանման ծախսերի համար: Կառավարությանը հատկացվելու է 11,6 միլիարդ դրամ, որով կիրականացնի 29 ծրագիր: Սահմանադրական դատարանին՝ 584,8 միլիոն դրամ: Արդարադատության նախարարությանը՝ 13, 6 միլիարդ դրամ՝ 17 ծրագիր իրականացնելու համար: Քննչական կոմիտեին 5, 562 միլիոն դրամ, Դատական դեպարտամենտին՝ 8.6 միլիարդ դրամ, իսկ Քաղծառայությանը՝ 475 միլիոն դրամ:
Նելլի ԳՐԻԳՈՐՅԱՆ
