ՀՀ նախկին օմբուդսմենը Կարեն Անդրեասյանը հայտարարեց, որ կախված հետագա զարգացումներից կորոշի՝ մնալ «Համախմբում» կուսակցությունում, թե հեռանալ այնտեղից։ «Եթե կուսակցությունն անսա իմ հորդորներին, եւ իմ տեսակետը դառնա մեծամասնության տեսակետ, ես «Համախմբման» հետ միասին կշարունակեմ հանուն իշխանափոխության իմ պայքարը։ Եթե խնդիրները շտկվեն, բնականաբար, կցանկանամ շարունակել
քաղաքական պայքարը։ Հակառակ դեպքում պետք է ընտրեմ քաղաքական պայքարի նոր ձեւաչափ»,- ասաց Անդրեասյանը։
Հարցին՝ որքա՞ն ժամանակ է անհրաժեշտ՝ հետեւություններ անելու եւ վերջնական որոշում կայացնելու համար, նա նկատեց՝ ընդամենը մի քանի օր։
Նախկին պաշտոնյայի համոզմամբ՝ ճիշտ մարդկանց միավորման դեպքում հաղթանակի հնարավորություն միշտ էլ կա։ Իսկ թե ովքեր են այդ «ճիշտ» մարդիկ, Անդրեասյանի խոսքով, ավելի հեշտ է ասել՝ ովքեր չեն. «ճիշտ մարդիկ են հանրապետության 2 միլիոնը, բացառությամբ նրա, ում մասին նշել եմ իմ հայտարարությունում։ Իհարկե, ես չեմ ասում, որ որեւէ մարդ պետք է զերծ մնա ընտրական գործընթացներին մասնակցելուց, ուղղակի ասում եմ, որ քաղաքական առաջնորդի դեր ստանձնելու ցանկություն ունեցող մարդիկ պետք է անցնեն իրավական եւ քաղաքական քավարանով։ Եթե Սեյրան Օհանյանի քավարանով անցնելու պետք չունենար, ես կհամարեի, որ իր թեկնածությունը ճիշտ է ընտրված»։
Կարդացեք նաև
Անի ՂԱԶԱՐՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում