2016թ. հունիսի 24-ին Բերդի տարածաշրջանի Վերին Կարմիրաղբյուր գյուղում 17-ամյա Աստղիկ Հանիսյանի սպանության մեջ մեղադրվող 26-ամյա Արսեն Խոջոյանի նկատմամբ 2016թ. հունիսի 25-ին նշանակված դատահետքաբանական եւ դատակենսաբանական համալիր փորձաքննության եզրակացությունը ստացվել է:
Իրավապահներից տեղեկացանք, որ այդ քրեական գործով նախաքննությունը ՀՀ քննչական կոմիտեի Տավուշի մարզային քննչական վարչությունում ավարտվել է, գործը կուղարկվի Տավուշի մարզի առաջին ատյանի դատարան: Ա. Խոջոյանը գտնվում է «Վանաձոր» քրեակատարողական հիմնարկում:
Ա. Խոջոյանի պաշտպան Աննա Մեժլումյանն ասաց, որ 2 առաջ դատարանում քննվել է Ա. Խոջոյանի կալանքը մեկ ամսով երկարաձգելու միջնորդությունը: Հանրային պաշտպան Ա. Մեժլումյանի վկայությամբ՝ այդ միջնորդության քննարկման ժամանակ Արսենը դատավորին բողոքել է, որ իր մաշկային հիվանդության՝ փսորիազի բուժման համար քրեակատարողական հիմնարկում իրեն դեղորայք չեն տալիս, դեղեր գնելու համար իր ընտանիքը ֆինանսական միջոցներ չունի:
Հավելենք, որ Արսեն Խոջոյանը 2014թ. մարտի 7-ից ապրիլի 10-ը գտնվել է Ադրբեջանի տարածքում:
Կարդացեք նաև
Ոսկան ՍԱՐԳՍՅԱՆ
