Այսօր առողջապահության նախարար Լեւոն Ալթունյանն անդրադառնալով շուկայում հայտնված կեղծ «Պրեստանս» 5մգ/10մգ, դեղամիջոցին, որը հայտնաբերել էր առողջապահության նախարարությունը, ասաց, որ այդ առիթով իրավապահ մարմինները գործ են հարուցել:
Թե այդ դեղերը ինչպե՞ս են մտել մեր երկիր, ո՞վ է ներկրել պարոն Ալթունյանը ոչինչ չի կարող ասել` քանի դեռ քննություն է ընթանում:
Սակայն, կեղծ դեղերի վերաբերյալ պարոն նախարարն ասաց. «Լավ լուր, որ կեղծ դեղերը մեր երկրում հայտնաբերվում են բավական հազվադեպ: Վատ լուր՝ կեղծ դեղեր ներմուծողների համար, որ կեղծ դեղերի դեմ պայքարը չի դադարում ոչ մի րոպե, նույնիսկ, եթե կեղծ դեղերը չեն հայտնաբերվում: Այդ աշխատանքները տալիս են իրենց արդյունքը:
Պրեստանսը հայտնաբերվել էր մի շարք երեւանյան դեղատներում, որի փորձաքննությունը կատարվել էր ազգային փորձագիտական կենտրոնում եւ դեղն ուղարկվել էր «Լե լաբողատուաղ Սեղվիե» ֆրանսիական ընկերությանը, որը կվավերացնի դեղի օրիգինալ կամ կեղծ լինելը: Որը պատասխանել է, որ բաղադրությունը տարբերվում է օրիգինալից»:
Կարդացեք նաև
Նախարարն ասաց, որ հայաստանյան դեղ օգտագործողների նյութական շահերը եւ առողջությունը պաշտպանելու նպատակով «Լե լաբողատուաղ Սեղվիե» ընկերության հետ կկազմակերպեն կեղծ դեղերը օրիգինալով փոխանակելու գործընթաց եւ բոլոր նրանք, որոնք դեղատներից ձեռք են բերել կեղծ դեղը, որը օրիգինալի համեմատությամբ յոթանիշ է, ապա կարող են ներկայացնել առողջապահության նախարարություն եւ մարզերում էլ` մարզպետարաններ, առողջապահության վարչություններ` կեղծը օրիգինալով փոխարինելու համար:
Մանրամասները` տեսանյութում
Լուսինե ԲՈՒԴԱՂՅԱՆ
