«Առաջատարը ՀՀԿ-ն է՝ միանշանակ. Ընդունենք, թե՝ ոչ, ցանկանանք, թե՝ ոչ: ՀՀԿ-ն վարկանիշային թեկնածուներն ամենաշատն է ներկայացրել եւ ավելի մեծ հնարավորություններ ունի՝ տվյալ ընտրատարածքներում այդ թեկնածուների գործունեությունը կանոնակարգելու»,-«Նոյյան Տապան» լրատվական գործակալության մամուլի սրահում այսօր ասաց «Ազգային անվտանգություն» կուսակցության նախագահ, ՀՀ-ում Լեռնային Ղարաբաղի հանրապետության մշտական ներկայացուցչության խորհրդատու-խորհրդական Գառնիկ Իսագուլյանը:
Մյուս կուսակցություններն ու դաշինքները, նրա գնահատմամբ, պատահական մարդկանց են առաջադրել, որոնք անգամ իրար չեն ճանաչում, հասարակությունը եւս նրանց չի ճանաչում:
Դառնալով ՀՀԿ ցուցակին՝ Գառնիկ Իսագուլյանն ասաց. «Օլիգարխ են անվանում, բայց գոնե թաղի բնակչությունը ճանաչում է նրանց: Կարծում եմ՝ ՀՀԿ-ն լուրջ քվեներ կտանի: Երկրորդ տեղի համար կարող է պայքար գնալ…«Ծառուկյան» դաշինքի դեպքում էլ շեշտը սոցիալական հիմնախնդիրների վրա է դրվել»:
Գառնիկ Իսագուլյանի խոսքով՝ «Հայկական վերածնունդը» լուրջ թեկնածուներ է առաջադրել գրեթե բոլոր ընտրատարածքներում. «Ցուցակում գերակշռում են գիտության եւ մշակույթի մարդիկ, լուրջ մրցակցություն կլինի: ՀՅԴ-ի համար էլ դժվար կլինի, թեեւ ունեն իրենց ընտրազանգվածը»: Ինչ վերաբերում է «ԵԼՔ» դաշինքին, Իսագուլյանը վերջինիս «լուրջ» բնորոշումը տվեց:
Կարդացեք նաև
«ՕՐՕ» դաշինքը երկսայր է, կանխատեսումներ անելը դժվար է: Եթե ճիշտ քարոզարշավ իրականացնեն, գուցե որոշակի հաջողություն ունենան: Վարկանիշային թեկնածուները հիմնականում թույլ են»,-նկատեց բանախոսը:
Լուիզա ՍՈՒՔԻԱՍՅԱՆ
