Մարտի 10-ին ամերիկացի երաժիշտ, երգահան Քրիս Քորնելը ներկայացրել է իր նոր «The Promise»՝ «Խոստումը» երգը, որը երաժիշտը գրել է համանուն ֆիլմի համար: Ինչպես հայտնում է հեղինակի պաշտոնական կայքը՝ chriscornell.com-ը, երգից ստացված ողջ հասույթը կնվիրաբերվի Փրկության միջազգային կոմիտեին, որը զբաղվում է հումանիտար ճգնաժամերում հայտնված մարդկանց օգնությամբ: Երգը հասանելի է iTunes, Aplle Music, Spotify կայքերում:
Հիշեցնենք, որ «Խոստումը» ֆիլմը Հայոց ցեղասպանության մասին պատմող պատմական դրամա է, որը նկարահանվել է երջանկահիշատակ Քըրք Քըրքորյանի նախաձեռնությամբ, և մեծ էկրաններին կհայտնվի Open Road Films-ի կողմից այս տարվա ապրիլի 27-ին:
Ռոզա ՀԱԿՈԲՅԱՆ
Կարդացեք նաև
