Այսօր Աջափնյակում՝ Սողոմոն Թեհլերյանի հուշարձանի մոտ համերգ էր, տոն, գինու հյուրասիրություն: ՀՅԴ-ն նախընտրական քարոզարշավ էր իրականացնում: ՀՅԴ-ականների խոսքերով՝ Սողոմոն Թեհլերյանը խորհրդանշում է այն, որ ով ձեռք բարձրացրեց հայ ժողովրդի վրա, նա պատժվելու է եւ այդ պատժող ձեռքը, ըստ անհրաժեշտության, եղել է ՀՅԴ-ն:
ՀՅԴ ԳՄ ներկայացուցիչ Աղվան Վարդանյանն ասաց, որ իրենք պատժում են միայն թշնամիներին, իսկ Հայաստանում պատժող չեն. «Հայաստանում մենք թշնամի չունենք: Մենք բոլորի հետ ՀՀ-ում քույրեր, եղբայրներ ենք»:
ՀՅԴ պատգամավոր Միքայել Մանուկյանը աջափնյակցիներին հիշեցրեց, որ կրակոցներով, ընտրակաշառքով քաղաքական ուժերը, ասես, մրցում են իրար հետ ու դրանով են պայքարում ժողովրդի քվեի համար. «Դրանով դուք կարող եք սեւն ու սպիտակը, ճիշտն ու սխալը տարանջատեք իրարից»:
Կարդացեք նաև
Նա հորդորեց քաղաքական ուժերին ժողովրդին չթշնամացնել իրար հետ. «Ընտրություններով կյանքը չի վերջանում, դա սկիզբն է, մենք վաղը պիտի կարողանանք իրար աչքերի մեջ նայել»:
Աղվան Վարդանյանը նշեց, որ հասկանում է՝ առկա խայտաբղետ կուսակցությունների մեջ մարդիկ դժվարանում են կողմնորոշվել, թե ում ընտրեն. «Դժվար է, բայց միաժամանակ հեշտ, որովհետեւ ընտրությունը համեմատություն է: Եթե նույնիսկ գնում ես աղջիկ ուզելու, նայում ես այդ աղջկա ընտանիքը, գերդաստանը, կենսագրությունը, մարմնական առավելությունները, թերությունները, խասիաթը: Նույնը քաղաքական ուժերն են: Ձեր առջեւ են 9 քաղաքական ուժեր: Այս 9-ի մեջ ընտրություններին միակ առանձին գնացող կուսակցությունը ինքնուրույն ՀՅԴ-ն է: Ճիշտ է, մյուս 8-ի մեջ 4-ը իբրեւ դաշինքներ են, 4-ը իբրեւ կուսակցություններ են մասնակցում, բայց իրականում այդ 4-ը եւս, եթե նայեք իրենց կազմը, անդամներին, դաշինքներ են եւ շատ տարբեր տեսակետներից կազմված, հաճախ իրենց անցյալով կամ ներկայով հակառակ դիրքորոշումներ ունեցող, բայց որոնք այսօր միավորվել են,, որ ԱԺ մտնեն: ՀՅԴ-ն միակն է, որ իրական կուսակցություն է, մի անձի կուսակցություն չէ: Նայեք այլ կուսակցություններին, այդ մի անձը չլինի՝ կուսակցությունից բան չի մնա»:
Հռիփսիմե ՋԵԲԵՋՅԱՆ
«գինի լի՜՜ց, ընկեր ջան, խմո-ողաց անուշ, ա-անուշ…»
լուրջ, տեւական ճիգեր եմ թափում,
բան չասելու համար,
սակայն երբեմն դժուար է դիմանալ…
ակաս… դուք ո՜ւր, Թեհլիրեանի ժամանակի ՀՅԴ-ն ո՛ւր !
լեռ ու ձոր
(սակայն ճիշդ է որ, ամէն բանով հանդերձ, ընտրութեան իջած քաղաքական մյուս խմբաւորումների եւ մանաւանդ անոնց պարագլուխների մեծ մասը ձեզանից աւելի լաւը չեն…)