«Իսլամական պետությունից սպառնալիք տեսնում եմ միայն Կովկասից, որտեղ կառույցը վիլայեթ ունի: Այն անհանգստացնում է ՌԴ-ին, Վրաստանին եւ Ադրբեջանին եւ դրա ձեռքի գործն է Չեչնիայում եւ Դաղստանում ահաբեկչական ակտիվությունը»,-«Արմենպրես» լրատվական գործակալությունում այսօր լրագրողների հետ հանդիպմանը հայտարարեց արաբագետ Սարգիս Գրիգորյանը:
«Մենք մոտ ենք Կովկասին, ինչը սպառնալիք է ՀՀ-ի համար: Եթե ԻՊ-ն ստանձնի Սանկտ-Պետերբուրգի ահաբեկչության պատասխանատվությունը, կնշանակի, որ ԻՊ-ն դուրս է գալիս Կովկասի սահմաններից»,-ասաց նա:
Գրիգորյանը վստահեցրեց, որ ապրիլյան քառօրյայի ժամանակ ԻՊ զորախումբ չի գործել Ադրբեջանի կողմից. «ԻՊ-ն վերազգային կառույց է, նրա անդամները ԻՊ քաղաքացիներ են: Ադրբեջանցիները չեն կարող ԻՊ-ում առանձին զորախումբ ունենալ ու հայտարարել, թե գնում են Ադրբեջանը ¬պաշտպանելու»,-նկատեց Սարգիս Գրիգորյանը:
Նրա խոսքով «Այն ադրբեջանցիները, որոնք փորձել են Թուրքիայով Սիրիա կամ Իրաք գնալ՝ միանալու ԻՊ-ին, սակայն չի ստացվել, նրանք ավելի վտանգավոր են, քան նրանք, որոնք կռվել են ԻՊ-ի շարքերում: Նրանք հետ են գալու Ադրբեջան եւ ավելի մեծ վտանգ են ներկայացնելու ոչ միայն Ադրբեջանի, այլեւ ամբողջ Կովկասի անվտանգության համար»:
Մանրամասն քիչ ուշ՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
