Ապրիլի 18-ին մշակույթի նախարարությունում կայացած ասուլիսի ժամանակ կրկին անդրադարձ եղավ օպերային թատրոնում ռեստորան եւ այլ ենթակառուցվածքներ հիմնելու աղմկոտ թեմային:
Արմեն Ամիրյանն ասաց. «Ես սպառիչ պատասխան տվել եմ անցյալ շաբաթ «Շանթ» հեռուստատեսության եթերում, որը հրապարակվել է նաեւ սոցիալական ցանցերում, որեւէ կերպ մեր մտադրությունները չեն կարող փոխվել, ես պարզապես պետք է կոչ անեմ, որպեսզի մեր հասարակությունը իր մտայնությունը փոխի, թե ինչպես կարելի է վերաբերվել ռեստորանին, այն ենթակառուցվածքներին, որոնք նախաձեռնում ենք ստեղծել եւ կառուցել օպերային թատրոնում: Պետք է վերատեսության ենթարկել ռեստորան հասկացությունը մեր մտայնության մեջ, չի կարելի ռեստորանն անպայման կապել այն ուտեստների հետ, ինչը բարձրաձայնում են սոցիալական ցանցերում, ես հասկանում եմ, որ մարդիկ ինչ տեսել են, այն էլ երեւակայում են»:
Ինչ վերաբերում է բեմադրիչ Ռուբեն Բաբայանի առաջարկին, որ օպերայի հարակից սրճարաններից եւ ավտոկայանատեղիից հարկեր վճարվեն հենց օպերային թատրոնին, ոչ թե քաղաքապետարանին, որով կբարելավեն թատրոնի ֆինանսական մուտքերը եւ թերֆինանսավորման հարցը կլուծվի, Արմեն Ամիրյանը պատասխանեց, որ թատրոնները թերֆինանսավորման խնդիր չունեն, իսկ առաջարկը կարելի է քննարկել:
Կարդացեք նաև
Գոհար ՀԱԿՈԲՅԱՆ
Արվեստի մարդկանց աշխատավարձերը ավելացրեք, ոչ թե այդպիսի բաներ արա:
Էս մարդուց մի անգամկ լսե՞նք մեր օպերայում Վագների, Շոստակովիչի, Չուխաջյանի, Գլասի…… օպերաները բեմադրելու, Գլազունովի, Բեժարի, Բալանչինի….. բալետները բեմադրելու մասին։ Թե չէ անընդհատ՝ ռեստորան հա ռեստորան։