Երթեւեկության կանոնները դպրոցում սերտած երեխաները դպրոցից դուրս այլ բան են տեսնում ու որքան էլ գիտեն, որ մայթերով պիտի քայլեն, կարմիր լույսի տակով չանցնեն` իրենց գիտեցածը պրակտիկայում չեն կարողանում կիրառել: Ջոն Կիրակոսյանի անվան դպրոց տանող ճանապարհի երկու կողմերում` մայթերին, ամեն օր ավտոմեքենաներ են կայանում` այնպես, որ երեխաները դպրոց գնալ-գալիս չեն կարողանում օգտվել մայթերից:
Նրանք ստիպված են լինում Չարենցի փողոցից մինչեւ վերեւում գտնվող դպրոց փողոցով քայլել: Այս տարածքում տեսախցիկներ չկան, ճանապարհային ոստիկաններն էլ նման մանր-մունր հարցերով երեւի չեն զբաղվում, հակառակ դեպքում գոնե մայթերին կայանելն արգելող նշան կտեղադրեին` աշակերտների անցուդարձն անվտանգ դարձնելու նպատակով:
Կարդացեք նաև
ԼՈՒՍԻՆԵ ԲՈՒԴԱՂՅԱՆ
«Առավոտ»
04.05.2017