Իրանի նախագահական ընտրություններում 25.9 մլն քվեաթերթիկների հաշվարկի արդյունքում առաջին տեղում է գործող նախագահ Հասան Ռուհանին՝ 14.6 մլն ձայնով։ Այս մասին գրում է «ՌԻԱ Նովոստին»՝ վկայակոչելով երկրի ՆԳՆ-ին կից Ընտրությունների անցկացման շտաբի ղեկավար Ալի Աղսար Ահմադին։
Ահմադիի խոսքով՝ Ռուհանիին հաջորդում է այաթոլլա Իբրահիմ Ռայիսին 10.1 մլն ձայնով։ Պահպանողականների թեկնածու Մոստաֆա Աղա Միրսալիմը հավաքել է 297.2 հազար ձայն, նախկին փոխնախագահ Մոստաֆա Հաշեմի Տաբան՝ 139.3 հազար ձայն։
Իրանում նախագահական ընտրությունները տեղի են ունեցել մայիսի 19-ին։ Ընտրություններին մասնակցելու իրավունք ունի 56 մլն մարդ։ Ընտրողների բարձր մասնակցության պատճառով ընտրատեղամասերը փակվել են նախատեսվածից ուշ՝ կեսգիշերին։
Պատրաստեց Վիկտորյա ԱՆԴՐԵԱՍՅԱՆԸ
