ՀՀ բնապահպանության նախարարության Դիլիջանի ազգային պարկի տարածքում ապօրինի ծառահատումների գործով 2 պաշտոնյայի մեղադրանք է առաջադրվել ՀՀ քրեական օրենսգրքի 311 հոդվածի 3-րդ մասի 3-րդ կետով («Կաշառք ստանալը, որը կատարվել է խոշոր չափերով»): Այդ պաշտոնյաները կալանավորվել են: Քրեական գործով նախաքննությունը կատարում է ՀՀ քննչական կոմիտեի Տավուշի մարզային քննչական վարչությունը:
Դիլիջանի ազգային պարկի անտառներում ապօրինի հատումների կապակցությամբ մեկ գործ՝ ՀՀ քրեական օրենսգրքի 296 հոդվածի 2-րդ մասով («Ծառերի, թփերի եւ բուսածածկի ապօրինի հատումը, որը կատարվել է բնության հատուկ պահպանվող տարածքներում») ուղարկվել է Տավուշի մարզի ընդհանուր իրավասության առաջին ատյանի դատարան:
Ոսկան ՍԱՐԳՍՅԱՆ
