ԶՈՒ շտաբի գլխավոր պետը՝ շքեղ մեքենաների ու զինծառայողի՝ հաց գողանալու մասին (Տեսանյութ)

Զինված ուժերի գլխավոր շտաբի պետ Մովսես Հակոբյանը չի մեկնաբանում ՀՀ-ի՝ Վրաստանում զորավարժություններին չմասնակցելու որոշումը:
«Նախարարը մեկնաբանել է, մեկնաբանել է այնպես, ինչպես պլանավորված է եղել»,- ասաց պաշտոնյան ու բացառեց այդ հարցում ՀԱՊԿ-ի ճնշումները:

Aravot.am-ը պարոն Հակոբյանից հետաքրքրվեց՝ զինծառայողները զորամասերում սովա՞ծ են մնում, որ ուտելիքի գողության դեպք է գրանցվել, ի պատասխան ասաց. «Ոչ, անդաստիարակ է եղել»:

Հիշեցնենք, որ զինվորը մտել էր արցախցու տուն ու գողացել մեկ թթվասեր, երկու հատ հաց ու կետչուպ:

Դիտարկմանը, թե շատ քննադատություններ կան, որ սփյուռքից խոշոր գումարներ են գալիս, բայց այդ գումարներով ոչ թե զինտեխնիկա է գնվում, այլ Արցախի իշխանությունները շքեղ մեքենաներ են գնում, պարոն Հակոբյանը պատասխանեց. «Այդ հարցը չեմ կարող մեկնաբանել Արցախի իշխանությունների փոխարեն»:

Մանրամասները՝  տեսանյութում

Արփինե ՍԻՄՈՆՅԱՆ