Թուրքիայի, Ադրբեջանի և Վրաստանի միջև կապերը անվտանգության և կայունության երաշխիք են, և դրանք պետք է ամրապնդել և ավելի խորացնել: Այս մասին Georgian Times-ի հետ զրույցում ասել է անվտանգության և ռազմաքաղաքական հարցերով վերլուծաբան Ամիրան Սալուկվաձեն՝ մեկնաբանելով Թուրքիայի Գիրեսուն քաղաքում Վրաստանի, Թուրքիայի և Ադրբեջանի պաշտպանության նախարարների հանդիպումը և արդյունքում ստորագրված հուշագիրը:
«Կարևոր է այն համագործակցությունը, որն իրականացվում է Ադրբեջանի, Թուրքիայի և Վրաստանի միջև: Սակայն այդ հարաբերությունները պետք է էլ ավելի ամրապնդել և առավել ակտիվացնել»,- Սալուկվաձեն:
Նա նկատել է, որ դա ոչ միայն տրանսպորտային միջանցք է, այլև խաղաղության, կայունության երաշխիք և բարիդրացիական քաղաքականություն: Հետևաբար, նրա խոսքով այդ ուղղությամբ ակտիվությունը դրական գնահատականի է արժանի:
«Ողջունելի է նաև այն փաստը, որ վերջին տարիներին երեք երկրների զինվորականները ակտիվ մասնակցություն են ունենում միջազգային զորավարժություններին, այդ թվում մեր տարածքում, ինչը նպաստում է վստահության բարձրացմանը և կապերի ամրապնդմանը»,- ասել է Սալուկվաձեն:
Պատրաստեց՝ Վիկտորյա ԱՆԴՐԵԱՍՅԱՆԸ
