Նրանք, ովքեր ցույց են տալիս կյանքի բարեշրջման, առաջընթացի ելքերը, պետք է բացեն նաև բնական վերելքի մուտքերը։
Ազգային միասնականության համերաշխ կարգախոսով առաջնորդվելիս պետք է շտկել նախկին իշխանությունների սխալները։ Ամեն ինչ ճշգրիտ, բարեկիրթ ու նպատակամղված ծրագրով պետք է իրագործել՝ ազգային ու համամարդկային բարձրարժեք չափանիշներով կողմնորոշվելով։ Ուրախալի է, որ բոլոր հուսախաբվածներն անգամ հիմա լցված են անկոտրում հավատով։
Արժանապատիվ եռանդով, հպարտ, բայց բարեկիրթ պահվածքով պետք է գործել՝ սկսված քաղաքական նախաձեռնությունը հաղթական ելքով ավարտելու և շարունակական վերընթացի ճանապարհով գնալու համար։ Արդարամիտ ու ազատատենչ հայերը պետք է գնան խաղաղ բարեշրջման լուսավոր ճանապարհով։
ԱՐԵՎՇԱՏ ԱՎԱԳՅԱՆ