«Մենք չենք ուզում հրավերի նախագահական մակարդակ, մեզ պետք է երաշխիք, որ մեր դիտորդները կունենան մուտք ընտրական կենտրոններ: Որ պետական մարմինն այդ երաշխիքը տա, նորմալ է, որ ինքն էլ ուղարկի հրավերը»,- «Առավոտի» հարցին՝ ի՞նչն էր պատճառը, որ ԵԽ կոնգրեսը դրական չի արձագանքել ԿԸՀ-ի՝ Երևանի ավագանու արտահերթ ընտրությունները դիտարկելու համար ԵԽ տեղական և տարածքային իշխանությունների կոնգրեսի պատվիրակությանն ուղղված հրավերին, այսպես պատասխանեց ԵԽ կոնգրեսի գլխավոր քարտուղար Անդրեաս Կիֆերը:
ԵԽ կոնգրեսի գլխավոր քարտուղարը նշեց, թե չմասնակցելը եղել է նաև հնարավորությունների բացակայության հարց ու պարզաբանեց. «Այդ նույն շաբաթ կիրակի ընտրություններ կան նաև Բոսնիա և Հերցեգովինայում: Մենք չենք կարող միաժամանակ երկու ընտրություններում դիտորդական առաքելություն իրականացնել: Սա է պատճառը, որ մենք ՀՀ ԿԸՀ նամակին դրական պատասխան չենք տվել: Մենք ցավում ենք, բայց չենք կարող ներկա լինել և դիտորդական առաքելություն իրականացնել Երևանի ավագանու ընտրություններին»:
Անդրեաս Կիֆերի հետ հարցազրույցն ամբողջությամբ՝ վաղվա «Առավոտում»:
Տաթև ՀԱՐՈՒԹՅՈՒՆՅԱՆ
