Ինֆորմացիայի ազատության կենտրոնի տնօրեն Շուշան Դոյդոյանը ֆեյսբուքյան իր էջում գրում է.
«Ինֆորմացիայի ազատության կենտրոնի հարցմանն ի պատասխան, որով քաղաքապետից պահանջել էինք տրամադրել պարգեւատրված անձանց ցանկը, քաղաքապետարանը պատասխանել է ֆեյսբուքին հղմամբ՝ կոպտորեն ոտնահարելով Տեղեկատվության ազատության մասին ՀՀ օրենքի պահանջները։ Այն է՝ եթե մերժվում է տեղեկատվության տրամադրումը, ապա պետք է մերժումը հիմնավորված լինի հղում պարունակելով կոնկրետ օրենքի կոնկրետ դրույթի վրա, որով մերժվում է պահանջվող տեղեկատվությունը։
Գոնե մի անգամ կարդացեք Տեղեկատվության ազատության մասին ՀՀ օրենքը»։
