Այսօր առավոտյան Լոս Անջելեսում գործող երկու հայկական դպրոցների՝ ՀԲԸՄ Մանուկյան-Դեմիրճյան եւ Սուրբ Նահատակ Ֆերահյան, աշակերտներն ու աշխատակիցները առավոտ վաղ դպրոց այցելելով ցնցվել են տհաճ անակնկալից՝ դպրոցների շենքերի վրա եւ դարպասների ողջ երկայնքով փակցված են եղել թուրքական դրոշներ:
Դպրոցների տնօրինությունները ոստիկանություն են զանգել՝ միջադեպի պատճառը պարզելու եւ կատարողներին հայտնաբերելու համար: Ըստ ենթադրությունների՝ դրոշները գիշերը փակցրել են ազգությամբ թուրքեր: Այժմ դպրոցների մուտքի մոտ ոստիկանները հսկողություն են սահմանել:
Դասերը, սակայն, դպրոցներում չեն դադարեցվել, քանզի վտանգ չկա: «Թող որեւէ մեկի մտքով չանցնի, թե նման արարքների պատճառով հայկական կրթարանները իրենց դռները կփակեն հայ երեխաների առջեւ»,-կարծում են ուսուցիչները:
Ինչպես մեզ հետ զրույցում նշեց հայկական դպրոցներից մեկում ուսանող երեխայի ծնող՝ սկզբում թեթեւակի խառնվել են իրար, ուսուցիչներն են վախեցել՝ երեխաների անվտանգության համար, սակայն հետո, երբ պարզվել է, որ ոչ մի վտանգավոր բան չկա, ամեն ինչ կարգավորվել է: Այս պահին դասերը շարունակվում են, իսկ Ֆերահյան ազգային դպրոցում բարձր ձայնով միացրած է հայկական ազգային երաժշտություն եւ ծածանում են հայկական դրոշներ:
ԵՐԲ ԱՐԵՒՄՈՒՏՔԻ ԱՄԵՆԱՀԻՆ ՀԱՅԿԱԿԱՆ ՎԱՐԺԱՐԱՆ
ՍԱՄՈՒԷԼ -ՄՈՒՐԱՏԵԱՆի ՎՐԱՅ ԿԱՏԱՐՈՒԱԾ
ՎԱՆՏԱԼԱԿԱՆ ՅԱՐՁԱԿՈՒՄԻՆ ԱՌԻԹՈՎ /յունուար ամսուն/
ՀԱՅՈՒԹԻՒՆԸ ԲՈԼՈՐՈՎԻՆ ԱՆՏԱՐԲԵՐ ԳՏՆՈՒԵՑԱՒ
նման դէպքեր կրնան դեռ ՇԱՏ ԿՐԿՆՈՒԻԼ դժբախտաբար-