Օրերս ԱՄՆ պետդեպը հրապարակեց 2018 թվականի տարեկան զեկույցը, որում Հայաստանին վերաբերվող մասում, ընդգծվում է, որ Հայաստանում քաղբանտարկյալներ չկան: Մինչդեռ, ՀՀ երկրորդ նախագահ Ռոբերտ Քոչարյանը եւ նրա պաշտպանները քանիցս հայտարարել են, որ Ռոբերտ Քոչարյանը քաղբանտարկյալ է:
Այս առիթով «Առավոտի» հարցին՝ Ռոբերտ Քոչարյանի պաշտպաններից Հայկ Ալումյանը պատասխանեց. «Հնարավոր է, որ պաշտպանների եւ ԱՄՆ պետդեպարտամենտի կարծիքները որոշ փուլերում միմյանց հետ չհամընկնեն։ Ես համոզված եմ, որ երբ իրավիճակն ավելի խորը կուսումնասիրվի նրանց կողմից, ապա հետեւություններն այլ կլինեն»։ Հստակեցնող հարցին`Դուք կարծու՞մ եք, որ այդ զեկույցը մակերեսային դիտարկումների հիման վրա է կառուցված, Հայկ Ալումյանը պատասխանեց. «Ես այդպիսի բան չասեցի։ Ես ասացի այն, ինչ ասացի»:
«Առավոտ» օրաթերթ,
22.03.2019
