Խորհրդարանում 2018թ.-ի բյուջեի կատարողականի ներկայացման ժամանակ այսօր «Իմ քայլը» խմբակցության պատգամավոր Շիրակ Թորոսյանը ՀՀ ԱԳ նախարար Զոհրաբ Մնացականյանին հետեւյալ հարցադրումն ուղղեց. «Օրերս ՄԱԿ-ի գլխավոր վեհաժողովում, որտեղ կրկին ընդունվել է Վրաստանի ներկայացրած՝ Աբխազիայի եւ Հարավային Օսիայի փախստականների կարգավիճակի մասին բանաձեւը, ՀՀ-ն առաջին անգամ չի մասնակցել այդ բանաձեւի քվեարկությանը(նախկինում ՀՀ–ն «դեմ» էր քվեարկում): Սա նոր դիրքորոշո՞ւմ է, թե Հայաստան-Վրաստան նոր հարաբերություններ նոր որակ եւ վերադարձ նախկին՝ ջենտլմենական պայմանավորվածություններին: Ակնկալե՞նք Վրաստանից նման վերաբերմունք նաեւ ՀՀ-ի հանդեպ»:
Զոհրաբ Մնացականյանն այսպես արձագանքեց. «ՀՀ-ն ունի ռազմավարական գործընկերություն ՌԴ-ի հետ եւ ծավալուն օրակարգ՝ խորագույն հարաբերությունների համատեքստում: Այդ օրակարգը մնում է անփոփոխ, մենք այդպես ենք շարունակելու: Կարեւոր օրակարգ ունենք նաեւ Վրաստանի հետ, որի հետ հարաբերություններն առնչվում են տարածաշրջանային կայունությանը եւ անվտանգությանը: Մենք այս երկու կարեւոր ուղղությունները համադրելով ենք առաջնորդվում՝ երկու բարեկամ երկրների հետ հարաբերությունները կառուցելիս»:
Լուիզա ՍՈՒՔԻԱՍՅԱՆ
Կարդացեք նաև
