«Ազատություն» TV-ին տված հարցազրույցում ՀՀ վարչապետ Նիկոլ Փաշինյանը խոսելով դատավորների վեթինգի մասին՝ ասաց. «Եթե գաղափարն այն է, որ նախ պետք է ստուգողներին ստուգել, այո իհարկե պետք է ստուգել, բայց ուզում եմ նաեւ հասկանալ, թե ինչքա՞ն պետք է կառավարությունը եւ վարչապետը միջամտեն»:
Ինչ վերաբերում է հանրության վստահությունը վայելելուն, վարչապետը նշեց. «Եկեք հանրության վստահությունը վայելող անձանց ցուցակ կազմենք: Տեսնենք՝ քանի՞ մարդ կներգրավենք: Հանրության վստահությունը վայելելու չափանիշը ո՞րն է»:
Նրա ձեւակերպմամբ. «Երբեմն մարդկանց ձեռքին բռնում ես, ասում են էլի կոռումպացված չէ, տասնյակ դատական հայցեր են ներկայացնում քո դեմ, եւ պատճառն այն է, որ իրավական համակարգը եւ ամեն ինչն այնպես է ստեղծված, որ այդ հարցերի պատասխանը գտնելը մաքսիմալ դժվարանա:
Երբ Հայաստանում ինչ-որ բան անելու փորձ է արվում, բազմաթիվ փաստարկներ են բերվում, որոնց արդյունքում ստացվում է՝ եկեք ոչ մի բան էլ չանենք, էս երկիրը չի փոխվի, բոլորն էլ նույն զիբիլն են ու այդպես նստում ու սպասում ենք…Մինչդեռ մենք պետք է առաջ գնանք, այդ բոլոր հարցերը լուծենք, վեթինգը լավ չի՞, պետք է նորմալ դատական համակարգ ունենանք, այդ համակարգում զտում լինի: Դատավորների տասնյակ թափուր տեղեր ունենք, ոչ ոք չի ուզում դատավոր դառնալ եւ ընդամենը չորս հարյուր հազար դրամ ստանալ»:
Կարդացեք նաև
Գոհար ՀԱԿՈԲՅԱՆ
