«Վանեցյանի հայտարարությունները խոսում են այն մասին, թե ինչն է եղել պատճառն իր հրաժարականի: Նա այս պահին անում է քաղաքական հայտարարություններ եւ չեմ կարծում, որ նա նոր է սկսել զբաղվել քաղաքականությամբ: Նա իր պաշտոնավարման ընթացքում էլ է զբաղվել քաղաքականությամբ, եւ դրանք համատեղելի չեն»,-լրագրողների հետ զրույցում այսօր անդրադառնալով ԱԱԾ պետի պաշտոնից հրաժարական տված Արթուր Վանեցյանի հայտարարություններին, ասաց «Իմ քայլը» խմբակցության պատգամավոր Հրաչյա Հակոբյանը:
«Չեմ կարող ասել՝ պաշտոնավարման ընթացքում ի՞նչ է արել եւ ինչպե՞ս է դրսեւորվել նրա՝ քաղաքականությամբ զբաղվելը»,-նշեց նա:
Հակոբյանը նկատեց. «Չեմ հավատում հայտարարությանը, թե Փաշինյանը մարդ է ուղարկել Վանեցյանի մոտ՝ լռեցնելու նպատակով: Ունի հայտարարություն, թող անի, ինչո՞ւ չէր անում: Սպայի ուսադիրները նրան պետք է դրդեին, որ նա աներ հայտարարություն: Եթե ունի ասելիք ու չի ասում, բա ո՞ւր մնացին ուսադիրները»:
Կարդացեք նաև
Լուիզա ՍՈՒՔԻԱՍՅԱՆ
