«Այդ հարցը քննարկվում է նաեւ կողմերի առողջապահության նախարարությունների միջեւ: Հուշագրի բովանդակության շուրջ բանակցություններն ավարտված են, փաստաթուղթը կողմերի համաձայնեցման փուլում է:
Նախատեսվում է, որ առաջիկայում այն կստորագրվի եւ կստեղծի լրացուցիչ հնարավորություններ՝ կենսաբանական անվտանգության ոլորտում ՌԴ-ի եւ ՀՀ-ի գործակցության համար»,-լրագրողների հետ հանդիպմանն այսօր հայտարարեց պաշտոնական այցով Երեւան ժամանած ՌԴ ԱԳ նախարար Սերգեյ Լավրովը՝ պատասխանելով հարցին, թե որքանով է հավանական ՀՀ-ի եւ ՌԴ-ի միջեւ հուշագրի ստորագրումը՝ ՀՀ-ում գործող կենսաբանական լաբորատորիաներ ռուս մասնագետների մուտքը թույլատրելու վերաբերյալ:
«Մենք կարծում ենք, որ մեր դաշնակիցների հետ նման շփումներն օրակարգային են եւ վերաբերում են անվտանգությանը: Մենք հետաքրքրված ենք, որ այդ ոլորտում ՀՀ-ի եւ մյուս գործընկերների հետ ունենանք գործակցություն»,-շեշտեց Լավրովը:
https://www.facebook.com/aravot.am/videos/610068379529933/
Կարդացեք նաև
Նա նաեւ նկատեց, որ ԱՄՆ-ն հետամուտ չէ իրենց մոտեցմանը եւ ամբողջ աշխարհում փորձում է ստեղծել իրեն ենթակա կենսաբանական լաբորատորիաներ:
ՀՀ ԱԳ նախարար Զոհրաբ Մնացականյանն էլ ընդգծեց, որ կենսաբանական անվտանգության հարցը ՀՀ-ի համար կարեւոր է. «Այս տարիներին մեզ հաջողվել է ամրապնդել այդ ոլորտում գործընկերների հետ համագործակցության մեխանիզմները»:
Հիշեցնենք՝ ՀՀ վարչապետ Նիկոլ Փաշինյանը հայտարարել է, որ ՀՀ-ում գործող կենսաբանական լաբորատորիաները ՀՀ-ի սեփականությունն են միայն:
Լուիզա ՍՈՒՔԻԱՍՅԱՆ
